Su yaşamın mənbəyidir. Eyni zamanda dünyada mövcud olan 4 başlıca ünsürdən biridir. İnsan bədənin ən çox tələbatı olan da məhz sudur. Suyun bitməyən faydaları vardır.
Yalnız yay aylarında deyil, bütün fəsillərdə çox su içmək üçün sizə 8 səbəb göstəririk. 🙂
Su ağız qoxusunun qarşısını alır. Sizi kompleksə salan xoşagəlməz ağız qoxusundan qurtulmaq üçün effektiv vasitələrdən biri su içməkdir.
Saçların uzanmasına kömək edir. Bizim suya ehtiyacımız olduğu kimi, saçlarımızın da yaşam üçün suya ehtiyacı var.
Beyin fəaliyyətini yaxşılaşdırır. Su orqanizmimizin hər hissəsi üçün gərəklidir, əsas da beynimiz üçün.
Sağlam hamiləlik dövrü keçirməyə kömək edir. Su bizə həyatımızın bütün mərhələlərində lazımdır. Xanımların hamiləlik dövründə daha çox su içməsi faydalıdır.
Mədə bağarsaq sisteminizdə olan problemlərin həlli üçün su içmək tövsiyə olunur.
Su içməyin stressi azaltdığı deyilir. Hətta el arasında belə bir deyim var ki, “əsəbisən, su iç”. Bu söz yersiz deyilməmişdir. 🙂
Suyun ən çox qoruduğu orqan bizim böyrəklərimizdir. Çox su içmək böyrək daşının yaranması riskini azaldır.
Su ürəyin dostudur. Hər bir orqana faydası olduğu kimi ürəyimizə də faydası vardır.
