Sevgi günündə sevgilisiz olmaq daha yaxşıdırmı? Biz düşünürük ki, bəli! Cütlüklərin qeyd etdiyi 14 fevralı tək keçirmək sizi məyus etməsin. Məqaləmiz təsəlli deyil! 😀
- Siz pula qənaət etmiş olacaqsınız. Hədiyyə almaq üçün pul yığmağa, öz xərclərinizdən ayırmağa ehtiyac yoxdur.
- Kimdənsə hədiyyə gözləntiniz yoxdur, bu mövzuda çox rahatsınız. Gözləntilər olmadıqda insan özünü daha xoşbəxt hiss edir.
- Mağazalarda, restoranlarda olan “Sevgililər Günü” kampaniyalarından sizin əldə edəcəkləriniz daha çoxdur. 1+1 kampaniyaları zamanı aldığınız hər iki məhsul sizindir, bundan yaxşı nə ola bilər ki?
- Ətrafınızdakı sevgililərə açıq şəkildə diss ata bilərsiniz. Siz təksiniz, sizə eyni münasibəti göstərmək üçün səbəbləri yoxdur. (Təbii ki, söhbət zarafatlardan gedir.)
- Kimsə sizi günahkar çıxara bilməz. Sevgililər günündə qarşı tərəfin də gözləntiləri çox olur, bu əlavə stress yaradır insanda. Bu hissdən də azadsınız!
- Digər bayramlara nisbətən “Sevgililər Günü”ndə cütlüklərin mübahisə etməsi və ayrılmasına daha çox rast gəlinir. Tək qalmaqla bu böhrandan özünüzü qorumuş olursunuz.
- Yuxarıda qeyd edilənləri unudub, sevgiyə qapılma ehtimalınız da var. Sevgililər günündə havada eşq qoxusunu duyub, yeni münasibətə başlaya bilərsiniz.
