Rusiyalı proqramist Valeriy Spiridonov öz başını yeni bədənə köçürülməsi əməliyyatını həyata keçirmək üçün ABŞ-a yollanır.
Əməliyyatın müzakirəsini aparmaq üçün Annapolis şəhərində aparıcı neyrocərrahların iclası baş tutacaq. Elə orada Valeriy Spiridonov bu eksperimenti həyata keçirmək fikrinə düşmüş professor Kanavero ilə görüşəcək.
Proqramist Valeriy Spiridonov nadir xəstəlikdən – əzələ atrofiyasından əziyyət çəkir. İlk baxışdan əməliyyat absurd və fantastika kimi görünür. Lakin, gənc oğlan öz qərarında qətidir və özünü eksperiment obyekti qismində sınanmasını istəyir.
Professor Sercio Kanavaro tibb dünyasının skeptik qınaqlarına əhəmiyyət vermir və əmliyyatın baş vermə mümkünlüyünü əminliklə təsdiq edir.
