Azərbaycada qohum evliliyi qədim zamanlardan mövcud olub. Bunu insanlar nəsli qorumaq və kənar ailədən gəlin gətirməmək üçün edir. Lakin bunun nə kimi nəticələrə gətirib çıxaracağında xəbərsiz olurlar. Hətta bilsələr belə, risk edib qan qohumundan olan biri ilə ailə həyatı qururlar.
Qohum evliliyi eyni qandan olan insanların ailə həyatı qurmasıdı. Qohum evliliyinin genetik xəstəliklərə yol açma riski olduqca yüksəkdir. Dünya əhalisinin təqribən 20% bu problemdən əziyyət çəkir. Tibb elmi inkişaf etdikcə bu problemin səbəbləri araşdırılmış və eyni qandan olan iki sağlam insanda mövcud ola biləcək hər hansı bir xəstəliyin onların dünyaya gələcək övladına keçdiyi məlum olub.
Bəs hansı qohumların evlənməsi bu problemlərə yol aça bilər. Alimlər də bildirir ki, eyni qandan olan əmi oğlu-əmi qızı, xala oğlu-xala qızı, bibi qızı-dayı oğlu, dayı qızı-bibi oğlu və bu kimi eyni genə malik qəbildən olan qohumluqlar bir çox genetik xəstəliklərin yaranmasına və körpənin şikəst olaraq dünyaya gəlməsinə səbəb olur.
Tibbdə Endogamy adı verilən qohum evliliyinin islam ölkələrində daha geniş yayıldığı bildirilir. Qohum evliliyində ən çox rast gəlinən xəstəliklər aşağıdakılardır.
Qan xəstəlikləri, ürək damar xəstəliklər, şəkər xəstəliyi, əqli zəiflik, fiziki çatışmamazlıqlar və.s kimi problemlər yarana bilər.
