Yapon mədəniyyətində digər bir çox ünsürlər olduğu kimi, Oru (qatlamaq) Gami (kağız) mənasını verən iki sözün birləşməsiylə yaranan Origami kağız qatlama sənəti, Çin mədəniyyəti mənşəlidir. Çində bu sənət I və ya II əsr zamanından günümüzə qədər gəlməkdədir. Yaponiyadakı ilk nümunələri isə Heian dövrünə rast gəlməkdədir (794-1185). Bu dövr Yaponiyanın qızıl çağı olaraq da adlandırılar.
Bu dövrdə kağız qatlama sənəti festival və mərasimlərdə bəzək olması məqsədiylə olduqca inkişaf etmişdir. Ağ kağız gizli və müqəddəs elementləri saxlamaq məqsədiylə istifadə edilərdi və hələ də bəzi məbədlərdə istifadə edilməkdədir. Əsas Edo (1600-1868) dövründə Origami sənəti inkişaf etmiş və yaradılan yeni qəliblərlə xalq tərəfindən də bu bir əyləncə sənəti olaraq mənimsənmiş və məşhurlaşmışdır. Kabuki və ukiyo-e kimi sənətlərin yanında Origamidə öz yerini tapmışdır. XIX əsrin ortalarına doğru 70-ə yaxın fərqli origami dizaynı yaradılmışdır. Lakin Meiji (1886-1912) dövrü və Yaponiyanın müasirləşməsi ilə birgə, mərasim və festivallar üçün düzəldilməsi xaricində, origamiyə olan maraq azalmışdır.
1950-ci ilin ortalarına doğru, 1945 Xirosima atom bombasının partlaması nəticəsində Qan xərçəngi xəstəsi olan 11 yaşındakı Sasaki Sadako xəstəliyinin yaxşılaşması məqsədiylə durna quşu origamilərini düzəltməyə başlamışdır. (Ənənəyə görə 1000 ədəd durna quşu origamisi düzəldib, arzu tutulduğunda, arzunun reallaşacağına inanılar). Sadako bu cəhdiylə dünyada barış üçün də bir simvol olmuşdur. Lakin 644 durna quşu origamisi düzəltdikdən sonra ölmüşdür, yoldaşları onun yerinə ədədi tamamlamış və cənazə mərasimində məzarına durna quşlarını qoymuşlar. Bu hadisə Xirosimada Dünya uşaq barış gününün meydana gəlməsinə və bu günün şərəfinə Sadakonun Seatledə heykəlinin qoyulmasına vəsilə olmuşdur. Hər il avqust ayının 6-ında qeyd olunan barış günündə, dünya səviyyəsində bir çox uşaq tərəfindən edilən durna quşu origamiləri Xirosimaya göndərilir.
