Gözümüzdə böyütdüyümüz və həll yolunu tapa bilmədiyimiz bəzi məsələlər 1+1=2 qədər sadədir:
- Yuxusuzluqla mübarizə aparırsınız? 4-7-8 üsulundan istifadə edin: 4 saniyə burnunuzdan nəfəs alın, 7 saniyə nəfəsinizi tutun və 8 saniyə yavaş-yavaş nəfəsinizi buraxın. Təkrar edin.
- Yatmazdan öncə 1 fincan yaşıl çaydan zövq alın. Beləliklə, yatdığınız zaman kalori yandıracaqsınız, çünki yaşıl çay metabolizmi sürətləndirir.
- Bəzi işlərinizi əsas olmayan əlinizlə görməklə beyninizi daha da aktivləşdirə bilərsiniz. Misal üçün, solaxaysınızsa, dişlərinizi sağ əlinizlə fırçalayın və ya əksinə.
- Nəyisə xatırlamağa çalışdığınız zaman yumruğunuzu sıxın. Beləliklə, beyin yaddaşınız aktivləşəcək.
- İdman zalında musiqi dinləyərək məşq etdiyiniz zaman qaldıra biləcəyinizdən 15 kilo artıq çəki qaldırmağı bacaracaqsınız.
- Yeri gəlmişkən, idmana başlamazdan öncə qəhvə içsəniz, daha çox kalori yandıracaqsınız.
- Nə qədər sürətli yesəniz, bir o qədər çox çəki yığacaqsınız. Elmi araşdırmalar göstərmişdir ki, boşqabını qısa zamanda boşaldanlar ay ərzində 2kq, digərləri isə cəmi 600q çəki alır.
- Şamın daha gec əriməsini istəyirsinizsə, onu soyuducuda saxlayın.
- Güllərin gec solmasını istəyirsinizsə, suya 1 ədəd aspirin dərmanını atın.
- Marketdə alış-veriş zamanı ucuz ərzaqlar axtarırsınız və tapa bilmirsiniz. Təbii ki, tapa bilməzsiniz. Çünki ən ucuz ərzaqlar gözdən uzaq yerlərdə, yəni aşağı rəflərdə gizlədilir.
Author: Pusta